БИЙЛАР, тарантуллар (Lucosa) — ўргимчакбўрилар (Lucosidae) оиласига мансуб ўргимчаклар уруғи. Танасининг уз. 3,5 см гача. Сизот сувлари юза жойлашган нам тупрокли жойлар (ариқ ва зовурлар бўйи, экин экилган майдонлар чеккаси, даре бўйлари)да 60 см гача чуқурлиқда тик қазилган уяларида яшайди. Бийлар тунги ҳайвон, ўлжа (турли ҳашаротлар) тутгани инидан кечаси чиқади. Ёзда (июнь — июль) ўргимчак ипидан тўқилган пиллага 100 га яқин тухум қўяди. Урғочи Бийлар пилласини ўргимчак безларига ёпиштириб ёки хелицерасида олиб юради. Тухумдан чиққан бийчаларни ҳам урғочи Бийлар 2 — 3 кун давомида кўтариб юради. Б. Ўрта Осиё, Крзоғистон, Жан. Европа ва Кавказнинг чўл, чала чўл ва даштларида тарқалган. Ўзбекистонда тарқалган 5 туридан нортман бийи (L. nortmani) кўп учрайди. L. pulviventris, L. alticeps Самарқанд жан. да, L. medra Қарши чўлида, жан. рус бийи (L. singierensis) Чирчиқ ва Фарғона водийсида тарқалган. Бийлар заҳарли, аммо одам ва ҳайвонлар учун хавфли эмас.