БЕЛЬГИЯ ҚИРОЛЛИГИ ФАН, АДАБИЁТ ВА САНЪАТ АКАДЕМИЯСИ — Бельгиянинг марказий илмий муассасаси. 1772 й. Брюссель ш. да ташкил этилган. Академия таркибида 90 ҳақиқий, 30 мухбир. 150 фахрий аъзо бор. Академияда мат. ва физика фанлари; табиатшунослик; тарих ва адабиёт: ахлоқ на сиёсий фанлар; рассомлик; ҳайкалтарошлик; мусиқа: тарих ва танқид каби секциялар мавжуд. Кутубхонасида 400 мингдан ортиқ асар сақланади. «Бюллетень» (1832 й. дан), «Ахборот» (1779 й. дан), «Йилнома» (1830 й. дан) нашр этади.