БЕЛГОРОД — РФдаги шаҳар, Белгород вилояти маркази. Северский Донец дарёси бўйида. Йирик т. й. тугуни. Аҳолиси 315,2 минг (1999). 1237 й. дан маълум. Саноатининг энг муҳим тармоқлари: бинокорлик материаллари и. ч. (цемент з-ди, асбестоцемент, бўроҳак к-тлари), машинасозлик (энергетика, кимё, асбобсозлик, электротехника, радиоэлектроника саноати). Озиқ-овқат, кимё, мебель саноати корхоналари, ўлкашунослик ва бадиий музейлар, «Курск жанги» музей-диорамаси, йирик иссиқлик электр маркази бор. Б. орқали Шебелинка — Москва газ қувури ўтади. 3 олий ўқув юрти, 2 театр, телемарказ бор.