BODOM KISLOTA, oksifenilsirka kislota, fenilglikol kislota, S6N5SN(ON) SOON tarkibida bitta asimmetrik atomi boʻlgan aromatik kislota. Mol. m. 152,14, B. k. ning ikki optik izomeri bor: qutblanish tekisligini chapga buruvchi L va qutblanish tekisligini oʻngga buruvchi D kislota. L B. k. achchiq bodom tarkibidagi amigdalinni gidrolizlab olinadi. D B. k. esa sambuningrin degan glikozid tarkibiga kiradi. Ratsemik Bodom kislota (parabodom kislota) benzaldegiddan olinadi, suyuqlanish t-rasi 120,5°. B. k. antiseptik xossalarga ega boʻlganligi sababli tibbiyotda ishlatiladi.