BIO (Biot) Jan Batist (1774 1862) — fransuz fizigi, geodezisti va astronomi. Parij FA aʼzosi (1803), Peterburg FA xorijiy faxriy aʼzosi (1819). Ilmiy ishlari yorugʻlikning qutblanishi (uning nomi bilan ataluvchi qonun), elektr tokining magnit maydoni (B. Savar qonuni) va akustika sohalariga oid. Bio fan tarixi masalalari b-n, xususan I. Nyuton ishlarini oʻrganish b-n shugʻullangan. Bio eksperimental va matematik fizika kursi darsligi (1816) muallifi.