BERING BOʻGʻOZI — Shim. Sharqiy Osiyo va Shim. Amerika oraligʻidagi boʻgʻoz. Shim. Muz okeani (Chukotka dengizi)ni Tinch okean (Bering dengizi) b-n bogʻlaydi. Uz. 96 km, kengligi 86 km, eng sayoz joyining chuq. 36 m. Okt. dan avgustgacha boʻgʻozda suzib yuruvchi muzlar kup buladi.
Antropogen davrida Bering boʻgʻozi oʻrnida bir necha marta dengiz tubi koʻtarilib har ikki qitʼani birlashtiruvchi quruklik «kuprigi» paydo boʻlgan. Boʻgʻoz oʻrtasidagi Diomid o. lari orqali RF va AQSH ning davlat chegarasi oʻtgan.
Bering boʻgʻozini dastlab 1648-y. kazak SI. Dejnev suzib oʻtgan, soʻngra 1728-y. da V. Bering ekspeditsiyasi tadqiq qilgan (boʻgʻoz ekspeditsiya rahbari nomi bilan atalgan). Sohillari 1732-y. xaritaga tushirilgan.