BALANJAR — Shim. Kavkazdagi oʻrta asr shahri. Shim. Dogʻistondagi Suloq daryosi boʻyidagi Andreyevo (Enderi, Jdere) qishlogʻi oʻrnida boʻlgan deb taxmin etiladi. Rivoyatga koʻra, Balanjarga afsonaviy Balanjar ibn Yofas asos solgan. Tarixiy manbalar (Yaʼqubiy, 9-a.) B. ni 6-a. dagi voqealar munosabati b-n tilga olganlar. Unga koʻra, Balanjarni sosoniylar qoʻshini bosib olgan. Masʼudiyning yozishicha, Balanjar 8-a. gacha Xazar xoqonliginiit poytaxtlaridan biri boʻlgan. 7 — 8-a. larda Xalifalik qoʻshinlariga qarshi qattiq qarshilik koʻrsatgan.