BAZAL MEMBRANA (biol. da) – koʻpchilik umurtqasiz va umurtqali hayvonlar hamda odamda qoplovchi va biriktiruvchi toʻqimalarni chegaralab turadigan hujayralararo tayanch qavat yoki chegara parda. B. m. govak modda va unda joylashgan tolalardan iborat. Moddalarning shimilishi va diffuziyasi yoʻlida toʻsiq hamda elastik tayanch vazifasini bajaradi. Ayrim organlar kabi tanlab oʻtkazish xususiyatiga ega. Surunkali yalligʻlanish, xavfli oʻsma va b. kasalliklarda zararlanganida Bazal membrana epiteliy ostidagi biriktiruvchi toʻqimaga botib kiradi.