BADE SAMARQANDIY (Muhammad Bade ibn Muhammad Sharif Samarqandiy) (1641, Samarqand — ?) — oʻzbek shoiri va adabiyotshunosi. «Maleho» taxallusi bilan sheʼriy asarlar yozgan. Uch yillik sayohat natijasida «Muzokir ul-asʼhob» («Suhbatdoshlar zikri», 1692) nomli tazkira yaratgan. Tazkirada 17-a. da Movarounnaxr va Eronda yashagan 203 shoirning ijodi va hayoti hahida maʼlumot beriladi, asarlaridan namunalar keltiriladi.
Ad.: Abdullayev I., Hikmatullayev X., Samarqandlik olimlar, T., 1969.