БАЛАПАНТОВ — Марказий Қизилқумдаги тоғ. Томдитовнинг шарқий қисми. Мутлақ бал. 493 м. Шим. да Шўшақтов тоғларидан тектоник ботиқ орқали ажралган. Шарқий ва жан. этаклари Ёмонқум чўлига туташ. Балапантов карбон даврининг сланец ва конгломератларидан таркиб топган, ён бағирлари ясси. Б. нинг сувайирғич қисми ясси текислик, жан. ён бағри тик. Жан. ён бағридаги сойлар у қадар чуқур эмас, водийлари анча кенг, сойлар сланец шарчалари билан қопланган.