ҚЎЛЛАШ БЎЙИЧА ЙЎРИҚНОМА

ЛАФЕРОБИОН

LAFEROBIONUM

Препаратнинг савдо номи: Лаферобион

Таъсир этувчи модда (ХПН): интерферон альфа-2b (interferon alfa-2b)

Дори шакли: инъекция учун эритма тайёрлаш учун лиофилизат.

Таркиби:

фаол модда: interferon alfa-2b; альфа-2b интерферон одам рекомбинанти, солиштирма фаоллиги (1-18)·10⁶ ХБ, плазмидани одам лейкоцити альфа-2b интерферони гени билан гибридлаш йўли билан E. Coli клонидан ҳосил қилинган;

ёрдамчи моддалар: натрий хлориди, декстран-70, калий дигидрофосфати, динатрий фосфат додекагидрати.

Таърифи: Оқ рангли кукун ёки ғоваксимон масса; гигроскопик. Табиий лейкоцитар интерферонга ўхшаш ҳолда биологик фаолликнинг учта асосий турларига: иммуномодулятор, антивирус ва ўсмаларга қарши фаолликка эга.

Фармакотерапевтик гуруҳи: иммуностимулловчи восита (интерферон альфа-2b).

АТХ коди: L03AB05.

Фармакологик хусусиятлари

Рекомбинант альфа-2b интерферони – юқори даражада тозаланган, сувда эрийдиган, 19 300 дальтон молекуляр массали оқсил.

Ўсма ҳужайраларига антипролифератив таъсир кўрсатади, шунингдек вирусларга қарши ва иммуномодулятор таъсирга эга.

Интерферон альфа-2b нинг таъсири уни ҳужайранинг сиртки мембранасига специфик рецепторлар билан боғлаш орқали ҳамда бир қатор ферментларни индукция қилиш ва ҳужайра фаолиятини амалга ошириш, айниқса – инфекцияланган ҳужайрада вирус репликациясини сусайтириш ва ўсма ҳужайралар пролиферациясини пасайтириш, иммуномодуляторлик (макрофагларнинг фагоцитар фаоллигини кучайтириш, лимфоцитларнинг нишон-ҳужайраларга специфик цитотоксиклигини кўпайтириш каби) жараёнларни амалга ошириш билан боғлиқ кетма-кет юз берадиган ҳужайра ичидаги комплекс реакцияларни қўзғатиш йўли билан намоён бўлади.

Қўлланилиши

Препарат қуйидаги ҳолларда катта ёшдаги пациентларни комплекс даволашда:

• ўткир ва сурункали В вирусли гепатитда (ўртача оғир ва оғир шаклларида);
• сурункали С гепатитида;
• вирус табиатга эга ўткир ва сурункали септик касалликларда;
• турли локализацияга эга герпетик инфекцияларда (ўраб олувчи темиратки, кўплаб тери герпетик тошмалари, генитал герпетик инфекцияда);
• ҳиқилдоқ папилломатозида;
• тарқоқ склерозда;
• хавфли меланома, увеал меланома, буйрак-ҳужайра карциномаси, қовуқнинг юзаки чегараланган раки, тухумдон ва кўкрак бези раки, ОИТВ-инфекция фонидаги Капоши саркомаси, сурункали миелолейкоз, толасимон-ҳужайрали лейкоз, ноходжкин лимфомалари, базал-ҳужайрали карцинома, Т-ҳужайрали тери лимфомасида (замбуруғсимон микозда) қўлланилади.

Қўллаш усули ва дозалари

Препарат эритма кўринишида ишлатилиши лозим. Лаферобион эритмаси вена ичига (томчилаб), мушак ичига, тери остига, тери ичига, қорин бўшлиғи ичига, қовуқ ичига юборилади.

Препаратдан фойдаланилганда қуйидаги даволаш схемаси тавсия этилади:

ўткир вирусли В гепатитида: мушак ичига 1 млн ХБ (оғир ҳолларда – 2 млн ХБ) дан
10 кун давомида суткада 2 марта юборилади; кейин эса беморнинг клиник мақомини ҳисобга олган ҳолда препаратни юбориш юқорида келтирилган схема бўйича ёки 1 млн ХБ дан бир неча ҳафта давомида ҳафтада 2 марта схемаси бўйича 2-3 ҳафтагача узайтирилиши мумкин;

сурункали вирусли В гепатитида: мушак ичига 3-4 млн ХБ дан 2 ой давомида ҳафтада         3 марта юборилади;

сурункали С гепатитида: тери остига 3 млн ХБ дан ҳафтада 3 марта (кун ора) рибавирин билан комбинацияда ёки монотерапия сифатида (рибавирин билан даволаш мумкин бўлмаган ёки уни ўзлаштира олмаслик мавжуд бўлган ҳолларда) юборилади; препарат      3-4 ой давомида қўлланилади, ундан кейин НСV РНК сини аниқлаш керак; сўнгра эса НСV РНК си аниқланмаган бўлсагина даволашни давом эттириш керак; монотерапияда даволаш курси 12 ойдан 18 ойгачани, рибавирин билан мажмуада 6 ойни ташкил этади; вируснинг 1 генотипида ва даволаш бошланишига қадар вирус ДНК си миқдори юқори бўлганида, даволашнинг 6 ойи охирига келиб қон зардобида НСV РНК си мавжуд бўлмаган тақдирда, мажмуавий даволашни яна 6 ой давом эттириш мумкин, бироқ бунда пациентнинг ёши 40 дан ошганлиги, эркак жинсидалиги, унда авж этиб борувчи фиброз мавжудлиги каби салбий омилларни эътиборга олиш керак;

герпетик инфекциялар:

ўраб олувчи темираткида: ҳар куни 1 млн ХБ доза мушак ичига + 2 млн ХБ доза 5 мл 0,9% ли натрий хлоридининг физиологик эритмасида тошма атрофидаги бир нечта нуқталарга тери остига юборилади; даволаш давомийлиги 5-7 кунни ташкил этади;

герпетик тери тошмаларида: ҳар куни 2 млн ХБ дозада мушак ичига ёки тери остига юборилади; даволашни герметик папулаларга маҳаллий (аппликациялар) қўллаш билан олиб бориш мумкин; даволаш курсини шифокор белгилайди;

генитал герпетик инфекцияда: ҳар куни 2 млн ХБ дозада мушак ичига тошмалар бўлган жойга локал (аппликациялар кўринишида) қўллаш билан биргаликда юборилади; даволаш курсини шифокор белгилайди;

ҳиқилдоқ папилломатозида: 6 ой ва ундан ортиқ вақт давомида ҳафтада 3 марта (кун ора) 3 млн ХБ/м² дозада тери остига юборилади; дозага препарат таъсирини ўзлаштира олишни инобатга олган ҳолда тузатиш киритиш керак, даволашни ўсма тўқимаси жарроҳлик (лазер) йўли билан олиб ташлангандан кейин бошлаш керак;

тарқоқ склерозда: 10-15 кун давомида суткада 2-3 марта 1 млн ХБ дозада мушак ичига юборилади, ундан кейин 6 ой мобайнида ҳафтада 1 марта 1 млн ХБ дозада юборилади;

хавфли меланомада: жарроҳлик йўли билан даволашга қўшимча равишда ва ремиссияни индукция қилиш учун 4 ҳафта давомида ҳафтасига 5 марта 20 млн ХБ/м² дозада вена ичига (инфузия 20 минут давомида) юборилади; самарани бир маромда ушлаб турувчи даволаш 48 ҳафта давомида ҳафтасига 3 марта (кун ора) 10 млн ХБ/м²  дозада тери остига юбориш билан амалга оширилади.

Оғир ножўя таъсирлар ривожланганда, айниқса гранулоцитлар сони пасайганида (500/мм³ дан кам), АЛТ/АСТ ошганида (норманинг юқори чегарасидан 5 марта кўп бўлганида) препаратни қўллаш кўрсаткичлар нормага келгунига қадар тўхтатилиши керак. Даволашни тўлиқ дозада қайтадан бошлаш керак. Агар препарат таъсирини ўзлаштира олмаслик сақланиб қолган бўлса, гранулоцитлар сони эса 250/мм³ га қадар пасайган бўлса ёки АЛТ ва/ёки АСТ фаоллиги ошиб борса (норманинг юқори чегарасидан 10 марта кўп бўлса), препаратни қўллаш бекор қилиниши керак;

увеал меланомада (ўсмани фотодеструкция қилиш ва бета-аппликация билан биргаликда даволанган ҳолда) қуйидаги даволаш схемасидан фойдаланиш мумкин: парабульбар равишда 10 кун давомида ҳар куни 1 млн ХБ дозада (1 мл инъекция учун сувда эритилган) юборилади; такрорий 10 кунлик юборилишлар 20 кундан кейин икки марта ўтказилади; умумий даволаш курси 48 ҳафтани ташкил этади; 45 кундан кейин такрорий курслар зарурати истисно қилинмайди;

буйрак-ҳужайрани карциномаси: мушак ичига 10 кун давомида ҳар куни 3 млн ХБ дозада юборилади; умумий даволаш курси – 30 млн ХБ, такрорий даволаш курсларини 6 ой давомида 3-5 ҳафта интервали билан, сўнгра эса йил давомида 1,5-2 ой интервали билан ўтказилади; индукцион даволаш сифатида 10 млн ХБ/м² дозада (суткада 18 млн ХБ/м² гача) мушак ичига ёки тери остига юборилади; аввалги дозани ҳар 3 кунда 3 млн ХБ/м² дозага ошириб бориш (биринчи 3 кунда – 3 млн ХБ/м² дозада, иккинчи 3 кунда –
6 млн ХБ/м² дозада, учинчи 3 кунда – 9 млн ХБ/м² дозада ва шу тарзда 18 млн ХБ/м² дозада юбориш) йўли билан кўрсатилган дозаларга эришилиши керак; дозаларга препарат таъсирини ўзлаштира олишни инобатга олган тузатиш киритиш керак; препарат таъсирини яхши ўзлаштира олинганида максимал доза 36 млн ХБ/м² ни ташкил этади; индукцион даволаш давомийлиги – 3 ой, ундан сўнг препарат қўлланилишини бекор қилиш ёки ҳолат ремиссия бўлганда ёки барқарорлашганда даволашни давом эттириш масаласини ҳал этиш лозим;

Самарани бир маромда сақлаб турувчи даволашда препарат ана шу дозаларда камида 6 ой давомида ҳафтада 3 марта юборилиши керак;

Қовуқнинг юзаки чегараланган ракида: қовуқ ичига 8-12 ҳафта давомида ҳар ҳафта 30 млн ХБ дан 50 млн ХБ гача дозада юборилади; карциномада 12 ҳафта давомида ҳар ҳафта инстилляцияга 60 млн ХБ – 100 млн ХБ дозада in situ юборилади; препарат юборилгунга қадар пациент 8 соат давомида суюқликни ичишдан чекланиши керак; препарат юборилишидан олдин қовуқ бўшатилиши лозим; препарат стерил шприц билан катетер орқали қовуқ бўшлиғига юборилади, у ерда препарат 2 соат давомида бўлиши керак, бунда пациент тана ҳолатини ҳар 15 минутда (препарат қовуқ шиллиқ қавати билан яхши таъсирда бўлиши учун) ўзгартириши керак; 2 соат ўтгач қовуқ бўшатилиши лозим;

тухумдон раки: қорин бўшлиғи ичига (дренажга) жарроҳлик аралашуви вақтида ва кейинги 5 кунда 5 млн ХБ дозада юборилади; кейин эса – мушак ичига химиотерапия курслари оралиғида 10 кун давомида 3 млн ХБ дозада юборилади; умумий курс дозаси    90 млн ХБ ни ташкил этади; кейинги курслар (10 кун давомида ҳар куни 3 млн ХБ дозада) 1-1,5 йил давомида 2-3 ой интервал билан буюрилиши мумкин;

кўкрак бези ракида: мушак ичига 10 кун давомида ҳар куни 3 млн ХБ дозада юборилади; такрорий курслар йил давомида 1,5-2 ой интервал, сўнгра 2-3 ой интервал билан (клиник ҳолатига боғлиқ равишда) ўтказилиши керак; лаферобионотерапия курсларини кимётерапия (ёки нур билан даволаш) курслари билан галма-гал ўтказиш мақсадга мувофиқ;

ОИТВ-инфекцияси фонида Капоши саркомасида: қуйидаги даволаш схемасидан фойдаланиш мумкин:

• мушак ичига 10 кун давомида ҳар куни 3 млн ХБ дозада юборилади; даволашни проспидиндан фойдаланган ҳолда химиотерапия билан бирга олиб борилади; такрорий курслар ярим йил давомида ойига бир марта ўтказилади;
• 5 кун давомида кетма-кет ёки 1 кун интервал билан ҳар куни вена ичига 30 минут давомида 50 млн ХБ (30 млн ХБ/м²) дозада томчилаб юборилади, ундан кейин янги 5 кунлик курс бошланишига қадар камида 9 кунлик танаффус зарур; бундай тартибини касалликнинг тезда ривожланиб бориши ёки препарат таъсирини ўзлаштира олмаслик яққол намоён бўлган ҳоллардан ташқари, чекланмаган ҳолда қўллаб туриш мумкин;

сурункали миелолейкозда: тери остига ҳар куни суткада ёки 2 кунда 1 марта 3 млн ХБ/м² дозада юборилади, бунда дозани ҳар куни суткада ёки 2 кунда 1 марта 5 млн ХБ/м² гача шифокор кузатуви остида тўлиқ гематологик ремиссияга (периферик қонда лейкоцитлар миқдори 10^.10⁹/л дан кўп эмас) эришгунга қадар ёки 18 ой давомида босқичма-босқич кўпайтириб борилади; тўлиқ гематологик ремиссияга эришилганида даволашни тўлиқ цитогенетик ремиссия юз беришига қадар давом эттириш керак (айрим беморларда ремиссия даволаш бошланганидан кейин фақат 1-2 йилдан сўнг юз беради); даволаш имкон қадар эртароқ бошланиши керак; лейкоцитларнинг миқдори 50·10⁹/л дан кўп бўлганида даволашни гидроксимочевинанинг стандарт дозаси билан бошлаш мумкин, сўнгра эса Лаферобион дан фойдаланишга ўтиш мумкин;

толасимон-ҳужайрали лейкозда: мушак ичига ёки тери остига ҳар куни 2-3 млн ХБ/м² дозада ремиссияга эришилгунга қадар, сўнгра ҳафтада 3 марта (кунора) юборилади; даволашнинг ўртача давомийлиги – 12 ой; дозага препарат таъсирини ўзлаштира олишни инобатга олган ҳолда тузатиш киритиш;

ноходжкин лимфомаларида: мушак ичига ёки тери остига 3 млн ХБ/м² дозада (шифокор назорати остида дозани 5 млн ХБ/м² га қадар босқичма-босқич ошириб борган ҳолда) ҳафтада 3 марта (химиотерапияга қўшимча сифатида) ёки 12-18 ой давомида ҳафтада         3 марта 3 млн ХБ дозада (ўтказилган химиотерапияси оқибатидаги ремиссияда самарани бир маромда ушлаб турувчи даволаш сифатида) юборилади;

базал-ҳужайрали карциномада: 10 млн ХБ дозада (1 мл инъекция учун сувда эритилган) ўсма асосига ва ичига (1 мл ҳажмли шприц ёрдамида) юборилади; агар зарарланган зона
2 см² дан кам бўлса, 0,15 мл препарат эритмаси (1,5 млн ХБ) 3 ҳафта давомида ҳафтада      3 марта (кун ора) юборилади; препаратнинг йиғинди дозаси 13,5 млн ХБ дан ошмаслиги керак, агар зарарланган майдон 2 см² дан 10 см² гача бўлса, препарат дозаси
0,5 млн ХБ/см² (аммо биринчи инъекцияга камида 1,5 млн ХБ) ни ташкил этиши керак;     3 ҳафта давомида ҳафтада 3 марта (кунора) юборилади; бир вақтда битта зарарланган соҳани даволаш керак; 2-3 ой даволаш ўтказилганидан кейин ижобий динамика (ташқи кўриниши, зарарланган соҳани ўлчамлари, қизарганлик даражаси, биопсия маълумотлари) мавжуд бўлмаса, касалликни жарроҳлик йўли билан даволаш тўғрисидаги масала кўриб чиқилиши керак;

Т-ҳужайрали лимфомада (замбуруғсимон микозда): яралар ҳосил бўлиши босқичида интрадермал ҳолда (дерманинг юза қатламига, доғ ёки ярадан пастроқда) 4 ҳафта давомида ҳафтада 3 марта 1-2 млн ХБ (0,5 мл инъекция учун сувда эритилган) дозада юборилади; препарат юборилишидан олдин зарарланган соҳага докали тампонда спирт билан ишлов берилади; препарат эритмаси 1 мл ҳажмли шприцдан фойдаланган ҳолда ингичка (30-калибрли) игна билан юборилади; препарат юборилиши вақтида игна тана юзасига деярли параллел ҳолатда бўлиши керак; бундан чуқурроқ – тери остига юборилишидан чекланиш лозим.

Препарат эритмасини тайёрлаш.

Препарат эритмаси у юборилишидан бевосита олдин тайёрланади. Эритувчи сифатида инъекция учун сувдан (агар эритмани тери остига, тери ичига ёки мушак ичига юбориш учун тайёрлаш керак бўлса) фойдаланилади. Эритмани тайёрлаш учун ампула ичидаги препаратни 1 мл инъекция учун сувда эритилади.

Агар препарат эритмасини қорин бўшлиғи ичига ёки қовуқ ичига юбориш учун тайёрланса, эритувчи сифатида 0,9% ли натрий хлоридининг изотоник эритмасидан фойдаланилади (натрий хлориди эритмада Лаферобион концентрацияси камида 0,3 млн ХБ/мл ни ташкил этишини ҳисобга олган ҳолда олинади).

Препаратни тайёрлаш ва вена ичига инфузияни олиб бориш.

Лаферобион инфузияси бошланишидан 30 минут олдин 0,9% ли натрий хлоридининг изотоник эритмаси инфузиясини (соатига 200 мл тезликда) бошлаш ва уни препарат юборилишидан бевосита олдин тугатиш керак.

Инфузион эритмани тайёрлаш учун Лаферобион аввал инъекция учун сувда (препаратнинг юбориладиган дозасига 1 мл сув ҳисобида) эритилади, сўнгра препаратнинг талаб қилинадиган миқдори (дозанинг 1 мл сувдаги эритмаси) ажратиб олиниб, 50 мл 0,9% ли натрий хлориди изотоник эритмасига қўшилади; тайёрланган эритма вена ичига 30 минут давомида томчилаб юборилади. Лаферобион юборилиши тугаганидан кейин 0,9% ли натрий хлориди изотоник эритмаси инфузиясини (соатига 200 мл тезликда) 10 минут давомида давом эттириш лозим.

Ножўя таъсирлари

Умумий бузилишлар: тез-тез – дозага боғлиқ гриппга ўхшаш синдром (қалтираш, тана ҳароратини кўтарилиши, бош ва мушак оғриғи, бўғимларда оғриқлар, толиқиш ҳисси); кам ҳолларда – қусиш, бош айланиши, қизиб кетиш. Препаратга ўта юқори сезувчанлик реакциялари юзага келиши мумкин.

Эндокрин бузилишлар: кам ҳолларда – қалқонсимон без фаолиятини бузилиши.

Кўришни бузилиши – кам ҳолларда.

Жигар фаолиятини бузилиши – кам ҳолларда.

Буйрак фаолиятини бузилиши – кам ҳолларда.

Электролит балансини бузилиши – кам ҳолларда.

Узоқ давом этадиган даволаш курсларида қуйидагилар кузатилиши мумкин:

Руҳий бузилишлар – онгни чалкашиши, хавотирли ва депрессия ҳолатлари, юқори қўзғалувчанлик, уйқучанлик.

Қон ва лимфа тизими томонидан бузилишлар – лейкопения, тромбоцитопения, бурундан қон кетиши.

Юрак-қон томир бузилишлари – артериал гипертензия ва гипотензия, тахикардия.

Тери ва тери ости тўқималари томонидан бузилишлар – терида тошма (шу жумладан герпетик тошма), қичишиш, алопеция.

Марказий ва периферик нерв тизими томонидан бузилишлар – атаксия, парестезиялар.

Нафас олиш тизими томонидан бузилишлар – йўтал.

Қўллаш мумкин бўлмаган ҳолатлар

Препарат компонентларига юқори сезувчанликда; пациентда қалқонсимон безни дисфункцияси мавжуд бўлганида; Капоши саркомасига чалинган пациентларда оғир висцерал бузилишлар мавжуд бўлганида; оғир юрак-қон томир касалликларида; псориазда; саркоидозда; жигар ва/ёки буйрак фаолиятининг яққол намоён бўлган бузилишларида; тутқаноқ ва марказий нерв тизимининг бошқа касалликларида (шу жумладан функционал касалликларида); авж этувчи ёки декомпенсацияланган жигар циррози фонида сурункали гепатитда; иммунодепрессантлар билан даволанаётган ёки яқин орада даволанган (кортикостероид билан қисқа даволаш курси бундан мустасно) беморларда сурункали гепатитда; анамнезда аутоиммун гепатит ёки бошқа аутоиммун касалликларида препаратни қўллаш мумкин эмас.

Дориларнинг ўзаро таъсири

Препаратни опиоид дори воситалари, анальгетиклар, ухлатувчи ва седатив дори воситалари билан бир вақтда (потенциал ҳолда миелосупрессив таъсир кўрсатади) эҳтиёткорлик билан қўллаш лозим.

Оксидлаш йўли билан метаболизмга учрайдиган препаратлар билан (шу жумладан ксантин ҳосилалари – аминофиллин ва теофиллин билан) бир вақтда қўлланилганида Лаферобиона ни оксидловчи метаболизм жараёнларига таъсир этиши мумкинлигини инобатга олиш лозим. Қон зардобида теофиллин концентрациясини назорат қилиш ва зарурат бўлганида дозалаш тартибига тузатиш киритиш зарур.

Препарат химотерапевтик препаратлари (цитарабин, доксорубицин, тенипозид, циклофосфамид) билан мажмуада қўлланганида ҳаёт учун хавф туғдирувчи токсик таъсирлар ривожланиши (уларнинг оғирлиги ва давомийлиги) хавфи ошади.

Зидовудин препарати билан бир вақтда қўлланганида нейтропения ривожланиши хавфи ошади.

Махсус кўрсатмалар

Препаратни узоқ муддатга 3 млн  ХБ ва ундан юқори дозаларда буюришдан олдин қалқонсимон без фаолиятини текшириш тавсия этилади. Агар тиреотроп гормони даражаси норма чегарасида бўлсагина, препаратни қўллаш бошланиши мумкин. Агар тиреотроп гормони (ТТГ) даражасида бирон-бир ўзгаришлар бўлса, тегишли даволашни ўтказиш лозим ва тиреотроп гормони миқдорини нормал даражада ушлаб турилиши шарти билан Лаферобион билан даволашни бошлаш мумкин. Даволаш жараёнида ҳам тиреотроп гормони даражасини назорат қилиш мақсадга мувофиқ.

Даволаш тўхтатилганидан кейин препарат юборилиши натижасида бузилган қалқонсимон без фаолияти тикланмайди.

Барча пациентларда даволаш бошланишидан олдин ва даволаш вақтида қон кўрсаткичларини сифат ва миқдор текширишлари ўтказилиши шарт бўлган ҳолда периферик қонни кенгайтирилган таҳлилини, шунингдек қоннинг биокимёвий таҳлилини ўтказиш, шу жумладан электролитлар, кальций, жигар энзимлари ва креатинин миқдорини аниқлаш зарур.

Миелома касаллигида буйрак фаолиятини даврий назорат қилиб бориш зарур. Препаратни қабул қилган барча пациентларда қон зардобида альбумин даражасини ва протромбин вақтини синчковлик билан назорат қилиш зарур.

Анамнезда кетоацидоз эпизодлари бўлган қандли диабет ва ўпканинг сурункали обструктив касалликлари каби касалликлар мавжуд бўлганида, қон ивиши бузилишларида (шу жумладан ўпка артерияси тромбофлебитларида), яққол намоён бўлган миелосупрессияда препаратни эҳтиёткорлик билан буюриш керак.

Препарат билан даволашда организмнинг аддекват гидратациясини таъминлаш зарур; иситма пайдо бўлганида уни юзага келишнинг бошқа сабабларини истисно этиш лозим.

Препаратни антигистамин ва ҳароратни туширувчи даволаш фонида қўллаш тавсия этилади.

Дарҳол юзага келадиган турдаги ўта юқори сезувчанлик реакциялари (эшакеми, ангионевротик шиш, бронхоспазм, анафилаксия) ривожланганида препаратни қўллашни дарҳол тўхтатиш ва тегишли чораларни кўриш лозим.

Оғир ва ўртача оғир ножўя таъсирларни ривожланиши дозага тузатиш киритиш, айрим ҳолларда эса препарат билан даволашни бекор қилишни талаб этади.

Препаратни қўллаш қуйидаги ҳолларда: қон ивиши вақтини узайишида (сурункали гепатит билан касалланган пациентларда), ўпка синдроми ҳолатлари намоён бўлганида ва рентген билан инфильтрат аниқланганида ёки ўпка фаолияти бузилганида, кўришни бузилишлари пайдо бўлганида ёки кучайганида, қалқонсимон без фаолияти бузилганида (ТТГ даражаси нормадан четга оғишида), қон зардобида альбумин даражаси пасайганида ва протромбин вақти кўрсаткичлари пасайганида тўхтатилиши лозим. Препарат таркибида натрий ва калий деярли сақламайди.

Ҳомиладорлик ва эмизиш даврида қўлланилиши. Ҳомиладорлик ва лактация даврида препаратни қўллаш мумкин эмас.

Болалар. Болаларда фойдаланиш учун тажриба етарли эмас.

Препаратни автотранспорт воситаларини бошқариш ва бошқа механизмлар билан ишлаш қобилиятига таъсири. Автотранспортни бошқариш қобилияти препарат қўлланилиши фонида қувватсизлик, уйқучанлик, онгнинг бузилиши ҳолатлари оқибатида пасайиши мумкин. Агар препарат билан даволаш вақтида бош айланиши кузатилса, автотранспорт воситаларини бошқариш ва механизмлар билан ишлашдан сақланиш керак.

Препарат болалар ололмайдиган жойда сақлансин ва яроқлилик муддати ўтганидан кейин ишлатилмасин.

Дозани ошириб юборилиши

Ҳозирги кунга қадар Лаферобион^® препарати билан дозани ошириб юборилганлиги ҳолатлари ҳақида хабар қилинмаган. Бироқ, ҳар қандай дори моддаси билан дозани ошириб юборилганлиги каби ҳаёт учун муҳим аъзолар фаолиятини мониторинг қилган ва пациент ҳолатини синчковлик билан кузатган ҳолда симптоматик даволашни амалга ошириш тавсия этилади.

Чиқарилиш шакли

Инъекция учун эритма тайёрлаш учун лиофилизат 1 000 000 ХБ ёки 3 000 000 ХБ дозаларда 10 тадан ёки 5 тадан флаконларда.

Флаконлар (ампулалар) блистерга жойланган. Препарат ёки эритувчи блистер қутига жойланган.

Сақлаш шароити

Ёруғликдан ҳимоя қилинган, 2^оС дан 8^оС гача ҳароратда қуруқ жойда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича.