ҚЎЛЛАШ БЎЙИЧА ЙЎРИҚНОМА

НЕЙРОМУЛЬТИВИТ^®

NEUROMULTIVIT

Препаратнинг савдо номи: Нейромультивит ^®

Дори шакли: плёнка қобиқ билан қопланган таблеткалар

Таркиби:

Бир таблетка қуйидагиларни сақлайди:

фаол моддалар:         тиамин гидрохлориди (В₁витамини) ……….100 мг,

                                   пиридоксин гидрохлориди (В₆ витамини) .200 мг,

                                   цианокобаламин (В₁₂  витамини)……………..0,24¹ мг,

ёрдамчи моддалар: микрокристалл целлюлоза, магний стеарати, повидон.

қобиқ таркиби: макрогол 6000, титан диоксиди (Е171), тальк, гипромеллоза, полиакрилат 30% ли дисперсияси².

¹ Миқдори 20% ортиқчасини ўз ичига олади:

² 2,25 мг қуруқ модда 7,5 мг суспензияга мос келади.

Таърифи: оқдан ёки деярли оқ ранглигача бўлган, икки томони қавариқ юзали, думалоқ, плёнка қобиқ билан қопланган таблеткалар.

Фармакотерапевтик гуруҳи: В₁ витаминининг В₆ ва В₁₂ витаминлари билан мажмуаси.

АТХ коди: А11DB.

Фармакологик хусусиятлари

Фармакодинамикаси

Фармакологик хусусиятлари препаратнинг таркибига кирувчи витаминларнинг ҳусусиятлари билан белгиланади.

Тиамин (В₁ витамини) одам организмида фосфорланиш жараёнлари натижасида кокарбоксилазага айланади, у кўпчилик фермент реакцияларининг коферментидир. Тиамин углевод, оқсил ва ёғ алмашинувида муҳим роль ўйнайди. Синапсларда нерв қўзғалишларини ўтказиш жараёнларида фаол қатнашади.

Пиридоксин (В₆ витамини) марказий ва периферик нерв тизимини нормал фаолият кўрсатиши учун зарурдир. Фосфорланган ҳолда аминокислоталар метаболизмининг (декарбоксилланиш, переаминланиш ва бошқаларда) коферменти ҳисобланади Нерв тўқималарида фаолият кўрсатувчи муҳим ферментларнинг коферменти сифатида намоён бўлади. Допамин, норадреналин, адреналин, гистамин ва ГАМК каби кўпчилик нейромедиаторларнинг биосинтезида иштирок этади, глутамин кислотаси алмашинувида иштирок этади.

Цианокобаламин (В₁₂ витамини) нормал қон ҳосил бўлиши ва эритроцитларни етилиши учун зарур, шунингдек организмнинг ҳаёт фаолиятини таъминловчи қатор биокимёвий реакцияларда: метил гуруҳларини ташиб ўтилишида, нуклеин кислоталар, оқсиллар синтезида, аминокислоталар, углеводлар, липидлар алмашинувида иштирок этади. Нерв тизимидаги жараёнларга (нуклеин кислоталарини синтезида ва цереброзидлар ва фосфолипидларни липид таркибига) ижобий таъсир кўрсатади. Цианокобаламиннинг кофермент шакллари – метилкобаламин ва аденозилкобаламин хужайраларни репликацияси ва ўсиши учун зарур.

Фармакокинетикаси

Препаратнинг компонентлари сувда эрувчан витаминлар ҳисобланади, бу уларни организмга тўпланиб қолиш эҳтимолини истисно қилади.

Тиамин ва пиридоксин ичакнинг юқори қисмида сўрилади, сўрилиш даражаси дозага боғлиқ. Цианокобаламинни сўрилиши меъдадан бошланади, цианокобаламинни тўқималарга етказиб берилиши транскобаламин II транспорт оқсили ёрдамида амалга оширилади. Препаратнинг таркибига кирувчи ҳамма витаминлар жигарда метаболизмга учрайди.

Тиамин ва пиридоксинни организмдан чиқарилиши буйрак орқали амалга оширилади (тахминан 8-10% ўзгармаган кўринишда чиқарилади).

Цианокобаламин асосан сафро билан чиқарилади, унинг буйраклар орқали чиқарилиши 6% дан 30% гачани ташкил қилади.

Қўлланилиши

• турли этиологияли (диабетик, алкоголь ва бошқа) полинейропатиялар;
• невритлар ва невралгиялар;
• умуртқа поғонасининг дегенератив ўзагаришлари фонидаги радикулитлар;
• бел синдроми;
• бўйин синдроми;
• ишиас, люмбаго;
• плекситлар;
• қовурғалараро невралгия;
• учламчи нерв невралгияси;
• юз нервининг фалажида қўлланилади.

Қўллаш усули ва дозалари

Таблеткаларни овқатдан кейин, чайнамасдан ва кўп бўлмаган миқдордаги суюқлик билан  қабул қилиш лозим.

Одатда 1 таблеткадан суткада 1-3 марта буюрилади.

6 ёшдан катта болаларга шифокор тавсиясига кўра, 1 таблеткадан суткада 1-3 мартадан буюрилади.

Курс давомийлиги одатда 2-3 ҳафтани (шифокор тавсияси бўйича) ташкил қилади.

Ножўя таъсирлари

Препарат беморлар томонидан яхши ўзлаштирилади.

Кам ҳолларда:

• бош оғриғи, бош айланиши
• кўнгил айниши

Жуда кам ҳолларда:

• В₆ витаминини жуда катта дозаларда нотўғри қўлланганда сезувчанликни бузилиши
• қичишиш ва уртикар тошма кўринишидаги ўта юқори сезувчанлик реакциялари кузатилади.

Қўллаш мумкин бўлмаган ҳолатлар

• препаратнинг компонентларига юқори сезувчанлик.
• ҳомиладорлик ва лактация даврида қўллаш мумкин эмас.

Дориларнинг ўзаро таъсири

• леводопа билан бирга қўлланганда нейромультивит леводопанинг паркинсонизмга қарши самарасини пасайтиради.
• этанол билан – тиаминни сўрилишини кескин пасайтиради.

Нейромультивитни қабул қилиш вақтида таркибида В гуруҳи витаминлари бўлган поливитамин комплексларини қабул қилиш тавсия қилинмайди.

Махсус кўрсатмалар

Неврологик симптомларни бошланиши мумкинлиги сабабли, препаратнинг юқори дозалари билан 4 ҳафтадан ортиқ вақт давомида даволаш тавсия қилинмайди. В₁₂ витаминини сақлайдиган препаратлар фуникуляр миелоз ва хафвли анемиянинг клиник манзарасини ва лаборатория текширишлари натижаларини яшириши мумкин.

Дори воситасини транспорт воситалари ва потенциал хавфли механизмларни бошқариш қобилияти таъсирининг ўзига хослиги.

Таъсири аниқланмаган.

Препарат болалар олаолмайдиган жойда сақлансин ва яроқлилик муддати ўтгач қўлланилмасин.

Дозани ошириб юборилиши

Симптомлари: атаксия ва сезувчанликни бузилишлари билан кечувчи невропатия, ЭЭГ даги ўзгаришлар билан кечувчи церебрал тиришишлар, аллергик реакциялар.

Даволаш: дозани ошириб юборилишини кўринишларини оғирлигига боғлиқ ҳолда ўтказилади. Меъдани ювиш, фаоллаштирилган кўмирни буюриш, кейинчалик симптоматик даволаш.

Чиқарилиш шакли ва ўрами

20 таблеткадан поливинилхлорид/поливинилденхлорид плёнкали ва лакланган, чоп этилган алюмин фолга контуруяли ўрамда тиббиётда қўллаш бўйича йўриқномаси билан бирга картон қутига жойланади.

1 контур уяли ўрам давлат ва рус тилларидаги тииётда қўллаш бўйича йўриқномаси билан картон қутида.

Сақлаш шароити

Қуруқ, ёруғликдан ҳимояланган жойда, 25^оС дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецептсиз.