Davlat xizmatchilari faoliyati qanday baholanishi kerak?
“Yoshlarni qoʻllab-quvvatlash va aholi salomatligini mustahkamlash yili”da Davlat dasturida davlat fuqarolik xizmatida kadrlarni tanlash, ularning malakasini oshirish va faoliyatini baholash boʻyicha samarali va ochiq tizimni joriy etish belgilandi.
Shu oʻrinda savol tugʻiladi: Davlat fuqarolik xizmatida samarali va ochiq baholash tizimi nima? Davlat xizmatchilari faoliyati qanday baholanishi kerak?
Umumiy mezonlar sifatida quyidagilarni nazarda tutish mumkin: davlat xizmatchilarining samarali va sifatli ishlashi uchun motivatsiya mavjudligi; davlat xizmatchilari tomonidan bajariladigan funksiyalarning jamiyat ehtiyojlariga muvofiqligi; fuqarolar bilan davlat xizmatchilari oʻrtasida munosabatlarning ijobiyligi; davlat organlari faoliyatining shaffofligi.
Davlat xizmatchilari faoliyatini baholashda asosiy urgʻu fuqarolar bilan ishlash tizimiga qaratiladi. Jumladan, mamlakatimizda bugungi kunda davlat xizmatchilar faoliyatini baholashda mahallalarda amalda qanday oʻzgarishiga qarab belgilash nazarda tutilmoqda. Bu esa davlat xizmatchilarini xalq bilan ishlashga undaydi.
Prezident Shavkat Mirziyoyev joriy yilning 26-yanvar kuni barqaror iqtisodiy oʻsishni taʼminlash masalalari boʻyicha yigʻilishda mazkur masalaga alohida urgʻu berdi. Barcha darajadagi rahbarlarga oʻz sohasi boʻyicha mahallalardagi holatni oʻrganish, “oʻsish nuqtalari”ni aniqlab, ularni rivojlantirish vazifasini qoʻydi.
Albatta, mazkur ishlash tizimini amaldagi qonunchilikda mustahkamlash muhim ahamiyatga ega. Natijada mazkur tartib huquqiy jihatdan tizimli koʻrinishga keladi.
Xorijiy mamlakatlarda ham davlat xizmatchilari faoliyatini baholashda fuqarolar bilan oʻzaro munosabatlari doirasiga qarab belgilash tizimi amal qiladi. Mazkur tizim “natija koʻrsatkichlari” (“outcome measures”) bilan bogʻliq boʻlib, fuqarolarga koʻrsatiladigan davlat xizmatining sifati va fuqarolar muammolarini oʻrganish holatlariga qarab mezonlar belgilanadi.
Misol uchun, Buyuk Britaniyada 2006-yil 6-iyunda Davlat xizmatining kodeksi qabul qilingan boʻlib, unga muvofiq davlat xizmatchilari faoliyatini baholashning asosiy mezoni xalq bilan muloqotda vijdonlilik, halollik va xolislikka amal qilish hisoblanadi.
Mamlakatimizda “Davlat fuqarolik xizmati toʻgʻrisida”gi qonun loyihasida davlat xizmatchilari faoliyatini baholash tartibi nazarda tutilgan. Jumladan, faoliyat samaradorligini baholash tizimi davlat organi va tashkilotining, ularning davlat fuqarolik xizmati faoliyatining samaradorligi va natijadorligini baholash kompleks choralaridan iborat.
Davlat fuqarolik xizmatchisining faoliyati samaradorligini baholash predmeti boʻlib hisobot davri yakuni boʻyicha u tomonidan oʻrnatilgan individual asosiy samaradorlik koʻrsatkichiga erishish darajasi hisoblanadi. Hisobot davri davlat organi va tashkiloti tomonidan asosiy samaradorlik koʻrsatkichining xususiyatidan kelib chiqqan holda oʻrnatiladi. Asosiy samaradorlik koʻrsatkichini ishlab chiqish va tasdiqlash hamda uning prognozli belgilari baholanuvchi xodim bilan birgalikda uning bevosita rahbari tomonidan koʻrib chiqiladi.
Davlat fuqarolik xizmatchisining faoliyat samaradorligini baholash ularni individual asosiy samaradorlik koʻrsatkichiga erishish darajasi asosida bevosita rahbarlari tomonidan koʻrib chiqiladi. Asosiy samaradorlik individual koʻrsatkichining erishilgan darajasiga qarab, davlat fuqarolik xizmatchisiga quyidagi baholardan biri qoʻyiladi: “namunali”, “aʼlo”, “yaxshi”, “qoniqarli”, “past darajada”, “qoniqarsiz”.
Davlat fuqarolik xizmatchisining faoliyat samaradorligini baholash tizimini tatbiq qilish tartibi asosiy samaradorlik koʻrsatkichi asosida davlat fuqarolik xizmati masalalari boʻyicha vakolatli organ tomonidan tasdiqlanadi.
Demak, davlat xizmatchilari faoliyatini baholashda xalq bilan muloqot qilish asosiy mezon vazifasini bajaradi. Davlat dasturi asosida mazkur masala amalda roʻyobga chiqsa, bu xalqimiz manfaatlariga xizmat qiladi.
Dilmurod Ortiqov,
TDYUU maʼmuriy va moliya huquqi
kafedrasi katta oʻqituvchisi
Источник: Xs.uz.

Joylangan vaqt: 2022-08-27 21:53:43
Qabul2022: Harbiy OTMlarga topshirgan abituriyentlar diqqatiga! Qabul2022: Harbiy OTMlarga topshirgan abituriyentlar diqqatiga!
O‘qituvchilarga ham majburiy yagona forma joriy etilganmi? O‘qituvchilarga ham majburiy yagona forma joriy etilganmi?
Mengliboy Murodov haqida: hayoti, asarlari, faoliyati, tarjimai hol Mengliboy Murodov haqida: hayoti, asarlari, faoliyati, tarjimai hol
Maʼruf Jalil hayoti, ijodi, asarlari, faoliyati, tarjimai hol Maʼruf Jalil hayoti, ijodi, asarlari, faoliyati, tarjimai hol
Ingliz tilini mustaqil o’rganish uchun o’zbekcha audio darslik Ingliz tilini mustaqil o’rganish uchun o’zbekcha audio darslik
Tibbiy sug‘urta majburiymi ixtiyoriymi? Tibbiy sug‘urta majburiymi ixtiyoriymi?
1-9-sinf Texnologiya ish reja 2022-2023 taqvimiy mavzu rejalar 1-9-sinf Texnologiya ish reja 2022-2023 taqvimiy mavzu rejalar
Dekabr MIG” turkumiga kiruvchi fan oyligi ish rejasi Dekabr MIG” turkumiga kiruvchi fan oyligi ish rejasi
Birinchi jinsiy saboqlar Birinchi jinsiy saboqlar
Abituriyentlar testga kirish uchun vaksina olgan bo‘lishi kerakmi? Abituriyentlar testga kirish uchun vaksina olgan bo‘lishi kerakmi?
Xudoni yomon degan professor sharmanda bo'ldi Xudoni yomon degan professor sharmanda bo'ldi
Raqamli virus yuqishi orqali aqlsiz inson yaralishi Raqamli virus yuqishi orqali aqlsiz inson yaralishi
Qabul–2021: qanday yangiliklar bor? Qabul–2021: qanday yangiliklar bor?
Omad tufayli millioner bo‘lib qolgan kishilar Omad tufayli millioner bo‘lib qolgan kishilar
Kvota 2022 Sirtqi qabul kvotalari to‘liq yuklab olish Kvota 2022 Sirtqi qabul kvotalari to‘liq yuklab olish
Rasmdagi niqoblardan ko’zingizga yoqqanini tanlang Rasmdagi niqoblardan ko’zingizga yoqqanini tanlang
Qoralama varoqdan javoblar varaqasiga javoblar ko'chirilmasa nima bo’ladi? Qoralama varoqdan javoblar varaqasiga javoblar ko'chirilmasa nima bo’ladi?
Ikrom Otamurod. Ikrom Otamurod haqida: hayoti, asarlari, faoliyati Ikrom Otamurod. Ikrom Otamurod haqida: hayoti, asarlari, faoliyati
Telegram muvaffaqiyati siri nimada? Telegram muvaffaqiyati siri nimada?
Mehnat va ijtimoiy munosabatlar akademiyasiga kirish test sinovlari vaqti Mehnat va ijtimoiy munosabatlar akademiyasiga kirish test sinovlari vaqti