Respublika ta’lim markazi ta’lim sifatiga hissa qo’shishni istaydigan ko’ngilli o’qituvchilar izlanayotganligini ma’lum qildi.
Qadrli ustozlar, xabaringiz bor, ayni kunlarda pandemiya munosabati bilan, mamlakatimiz miqyosida “Online-maktab” loyihasi amalga oshirilmoqda. Uning doirasida har kuni yuzlab videodarslar efirga uzatiladi. Videodarslarni tayyorlash jarayonining oʻziga xos mashaqqatlari bor. Hozir har qanday usulda koʻrsatilgan kichik yordam — onlayn taʼlim sifati uchun katta xizmat boʻlishi mumkin.
Respublika taʼlim markazi efirga uzatilayotgan har bir fan uchun koʻngilli ekspertlar kengashlarini tuzishga qaror qildi. Agar siz u yoki bu fan oʻqituvchisi boʻlsangiz va taʼlim sifatiga hissa qoʻshish istagi boʻlsa, quyidagi havola orqali safimizga qoʻshiling.
Bizga qanday yordamingiz tegishi mumkin?
— Boʻsh vaqtingizda “Online-maktab” pavilyonida suratga olinayotgan darslar sifatini nazorat qilish (Toshkent shahrida istiqomat qilayotgan ustozlar uchun);
— Masofadan turib, Telegram guruhi orqali darslar uchun tayyorlangan taqdimotlar sifatini nazorat qilishingiz mumkin.
Bundan sizga nima naf?
— Jonbozligingiz Respublika taʼlim markazi tomonidan turli koʻrinishlarda ragʻbatlantiriladi;
— Munosib ustozlar onlayn darslarni surat olish jarayonlariga jalb etiladi.
Sizdan nima talab qilinadi?
— Oʻz faningizni yaxshi bilish va pedagogik salohiyat;
— Slaydlar bilan ishlash koʻnikmasi;
— Bir oz fidoyilik.
Quyidagi soʻrovnoma orqali biz bilan bogʻlaning:
https://forms.gle/ynyd2E75ZLjEt3XD9

Joylangan vaqt: 2022-08-27 21:49:27