ЯРОСЛАВ МУДРИЙ, Ярослав Доно (тахм. 978—1054) — Киевнинг улуғ князи (1019). Владимир I нинг ўғли. Святополк I ни қувиб юбориб, биродари Мстислав билан кураш олиб бориб, давлатни бўлишиб олган (1026), 1036 йил давлатни қайта бирлаштирган. Бир қанча ғалабалардан сўнг Руснинг жан. ва ғарбий чегаралари хавфсизлигини таъминлаган. Европанинг кўпгина мамлакатлари билан сулолавий алоқалар ўрнатган. Унинг даврида қадимий рус ҳуқуқи мажмуаси — Рус ҳақиқати (Русская правда) яратилган.