ЯБЛОНОВСКИЙ Николай Михайлович

ЯБЛОНОВСКИЙ Николай Михайлович (1908.20.12, Дон вилояти Морозов ст-яси — 1971.1.1, Тошкент) — пианиночи, педагог. Ўзбекистонда хизмат кўрсатган санъат арбоби (1950). Москва консерваториясини (1934), унинг Олий маҳорат мактабини (1936) тугатган. 1938 йилдан Тошкент консерваториясида ўқитувчи (1952 йилдан проф.), камер хонандалик синфининг ташкилотчиси, камер мусиқа кафедраси мудири (1954 — 71); шунингдек, Ўзбекистон радиоқўмитаси ва Ўзбек давлат филармониясида яккахон созанда бўлган. Яблоновский, айниқса, қадимий клавесин мусиқаси ҳамда Гайдн, Моцарт, Шопен, Лист, Равель, Дебюсси, Мусоргский, Стравинский ва бошқаларнинг фортепиано асарларини моҳирона талқин этган.