ЯРИМ КЕЧА, ярим тун — Ердаги муайян бир жой учун ҳақиқий ёки ўртача Қуёш маркази пастки кульминацияда (уфқдан энг пастда) бўладиган вақт. Ҳақиқий Қуёшнинг меридиандан ўтишида ҳақиқий Ярим кеча, ўрта Қуёшнинг меридиандан ўтишида ўртача Ярим кеча юз беради. Ярим кечанинг кириш вақти жойнинг географик узунлигига боғлиқ бўлади: ҳар 15° дан кейин Ярим кеча 1 соаткейинроқкиради. Одатда, Ярим кеча соат 2400 да киради ва календараа кун ўзгаради. Фуқаро вақти шу пайтдан ҳисобланади (қ. Вақт). Дунё вақти ҳисоблай бошланадиган Гринвич меридианининг ўртача Ярим кеча учун маълумотлар астрономик йилномаларда берилади.