ЯНОВ-ЯНОВСКИЙ Феликс Маркович (1934.28.5, Тошкент) — композитор. Ўзбекистонда хизмат кўрсатган санъат арбоби (1988). Тошкент консерваториясини скрипка ижрочилиги (1954) ҳамда композиция (1959) ихтисосликлари бўйича тугатган. Ўзбекистон симфоник оркестри (1954—64), Ўзбекистон радиоси қошидаги торли квартет (1964—70) созандаси. Ўзбекистон давлат консерваториясида педагог (1961 йилдан), декан (1974—80), кафедра мудири (197986), проф. (1988 йилдан). Турли жанрларда ижод қилиб 4 симфония (1982—90), 2 кончерто гроссо (1969, 1989), 3 скрипка (196192), труба (1998) ва бошқалар чолғулар учун концертлар, 4 опера («Хорижлик Петрушка», 1970; «Оркестр», 1991; «Аккомпаниатор», 1997; «Қутулиш», 1999), хор ва вокал туркумлари, диний мавзудаги асарлар (Реквием, 1997; 2 месса, 1994—2000), эстрада қўшиқлари, 50 га яқин кино, теле ва мультфильм учун («Узоқяқин йиллар», 1977; «Вельд», 1987; «Ислом тарихи», 2000; «Алпомиш», 2000 ва бошқалар), 15 спектакл учун мусиқалар яратган. Ижодида жаҳон классик ҳамда 20-аср мусиқа анъаналари уйғунлашган, баъзи асарларида Янов-Яновский ўзбек мумтоз мусиқа услубларига мурожаат қилган: оркестр (1973) ва гобой (1980) концертлари, 1симфонияси, Умар Хайём шеърларига «Рубоийлар» (1990) ва бошқалар Асарлари Европа ва Осиё халқаро мусиқа фестивалларида мунтазам ижро этилмоқда.