ЯМАТО — Японияда мил. 3-асрнинг 2-ярмида вужудга келган қабила иттифоқи; маркази ҳоз. Нара шаҳри атрофида бўлган. 4-аср ўрталарига келиб мамлакатнинг катта қисмини ўзига тобе этиб бирлаштирган, шу билан бирга кумасо ва эбису қабилалари қисман бўйсундирилган. Ямато қабила иттифоқи негизида аста-секин илк ўрта аср Япон давлати шаклланган. Японияда илк темир даврига оид археологик маданиятни (мил. 3-аср охири — 6-асрлар) ҳам «Ямато» атамаси билан аташ қабул қилинган.