ЯЛДИРОВУҚ (Яхдировуқ) — Ўзбекистон Республикаси Хоразм вилоятининг жан. чегараси ва Туркманистоннинг шим. чегарасидаги кўл. Янгиариқ туманидаги Оқмачит қишлоғидан 10 км жан. шарқда, 90 м баландликда жойлашган. Ҳавзаси майд. 0,68 км2. Уз. 2 км, энг кенг жойи 0,6 км. Шим. дан жан. га чўзилган. Кўл 0,4 км шимолроқда оқиб ўтувчи Кўллар коллекторидан келган ер ости ва ташлама сувларидан тўйинади. Суви шўр.