УЗУНҚАНОТЛИЛАР (Apodas) — узунқанотсимонлар туркумига мансуб қушлар кенжа туркуми. Оёқлари калта, кўпчилик турларининг бармоклари дарахт шохларини чангаллаб тутиб туролмайди. Тирноклари билан қоялар ва бинолар бўғотига илашиб олади. Қанотлари калта ва ингичка; тез учади, лекин ерда юролмайди; ердан ҳавога кўтарила олмайди. Шунинг учун Узунқанотлилар ерга қўнмасдан учади. Сўлак безлари кучли ривожланган. Бу безлар суюклигидан ин қуришда фойдаланади. Моногам, жиш жўжа очувчи. 2 оиласи: попукли Узунқанотлилар ва асл Узунқанотлилар бор. Попукли Узунқанотлиларнинг 3 тури Жан. Ҳиндистондан бошлаб Янги Гвинеягача бўлган ҳудудларда тарқалган; бошида оқиш попуги (тожи) бўлади.