УБАЙД МАДАНИЯТИ — Жан. Месопотамияда шаклланган энеолит даври маданияти (мил. ав. 5-минг йиллик). Мил. ав. 4-минг йилликда Шим. Месопотамияга, шунингдек, Сурия — Киликия, Кичик Осиё (Малатия р-ни), Урмия кўлининг жан. даги минтақаларга тарқалган. Қад. Ур ш. харобаларидан 6 км жан. да жойлашган Таллал-Убайд қишлоғида олиб борилган археологик қазишлар (Л. Вулли, 1923—24) натижасида олинган асосий материаллар номи б-н аталган. Убайд маданияти учун қўлда ясалиб, геометрик нақшлар билан безатилган, баъзан ҳайвонлар шаклида ишланган сопол идишлар, кам миқдордаги мис идишлар, муҳрлар, чақмоқтошдан ясалган ўроклар, маъбудалар хайкалчаси ва б. хос. Убайд маданияти ахолией ўтроқ деҳқончилик билан шуғулланиб, уй чорвасига эга бўлганлар, хом ғиштдан ясалган уйларда яшаган, бу уйлар қишлоқни ташкил қилган, унинг марказида асосий саждагоҳ — ибодатхона жойлашган.