УСТА ШАРИФ Саидов (1887 ?) бухоролик ёғоч ўймакори, дурадгор уста. Уста Ширин Муродов билан бирга ҳунар ўрганган, Бухоро амири саройида ишлаган, кўплаб жамоат бинолари (Болохрвуз маежиди, Ситораи Моҳи Хоса ва б.)ни қуришда, Бухородаги Мир Араб, Кўкалдош мадрасаларини таъмирлашда қатнашган. Кейинчалик кўплаб кз клубларини қурган. Кўплаб шогирдлар тайёрлаган. Уста Шариф ёғоч ўймакорлигида юксак маҳорат билан безаб тайёрлаган ишларидан намуналар (бир неча эшик) Бухоро вилоят ўлкашунослик музейида сакланади.