УИЛКИНСОН Жефри (1921.14.7, Тодмордон) — инглиз органиккимёгари. Лондон Қироллик жамияти аъзоси (1965 й. дан). Атом энергияси бўйича бирлашган Англия — АҚШ—Канада лойиҳасида (1943—46), Калифорния ун-тида (1946—50), Массачусет технология ин-тида (1950—51), Гарвард ун-тида (1951—55) ишлаган, Лондон ун-ти проф. (1956 й. дан). Илмий ишлари металлорганик бирикмалар кимёсига оид. Енгил шароитларда олефинлар ва ацетилен углеводородларни гидрогенлашда қўлланадиган универсал гомоген катализатор — [(C6H5)3P]3RhCl (Уилкинсон катализатори) кашф этган (1958). Гексаметилвольфрам ва б. металларнинг барқарор алкил ҳосилаларини синтез қилган. Нобель мукофоти лауреати (1973, Э. О. Фишер билан ҳамкорликда).