УИЛКИНС Морис Хью Фредерик (1916.15.12, Понгароа, Янги Зеландия) — инглиз биофизиги. Лондон Кироллик жамияти аъзоси (1959). Бирмингем ун-ти фалсафа д-ри (1940). АҚШ Калифорния ун-тида (1941—45), Лондон Кингз коллежида (1946 й. дан) ишлаган. Шу коллеж молекуляр биол. бўлими бошлиғи (1962 й. дан) ва биофизика проф. (1970 й. дан). ДНК молекуласининг қўш спиралли эканлиги тўғрисидаги Ф. Крик ва Ж. Уотсон моделини рентгенструктуравий усули ёрдамида тасдиқлаган. Фото ва термолюминесценция (электрон тузоқ) назариясини ишлаб чиққан. Нерв системаси биофизикаси бўйича ҳам тадқиқот олиб борган. Нобель мукофоти лауреата (1962, Ф. Крик ва Ж. Уотсон билан ҳамкорликда).