УГАРИТ ТИЛИ — улик сом тилларидан бири. Мил. ав. 23—13а. ларда Ўрта денгизнинг шим. шарқий соҳилида жойлашган Угарит давлатида, эҳтимол, Шим. Сурияда ва ундан кенгроқ ҳудудда тарқалган. Фонетика ва морфология соҳаларида бошқа сом тиллари билан ўхшаш ва фаркли томонлари бор. Мас, о ўрнида а ишлатиш (алашиш), қад. ундошлар таркибининг сақланганлиги, от ва феълларда флектив ўзгаришларнинг мавжудлиги, артиклнинг йўқлиги ва б. Лексикасида ўзига ҳудудий яқин аккад, шумер ва хуррит тилларидан кўплаб ўзлашмалар бўлган. Угарит тили ёдгорликлари (шеърий ҳикоялар, ибодат матнлари, расмий ҳужжатлар, мактублар) мил. ав. 2-минг йилликнинг 1ярмигача шаклланган угарит ёзувица битилган.