ЦЕНТАВР (лот. Centaurus) — осмоннинг Жан. ярим шаридаги катта юлдуз туркуми. Гидра, Насос, Паруслар, Киль, Пашша, Циркуль ва Бўри юлдуз туркумлари орасида жойлашган. Центаврда равшан юлдузлар (энг равшани 0-юлдуз катталигидаги а юлдузи) ҳамда туманлик ва юлдуз тўдалари мавжуд. Центаврнинг о си қўшалоқ юлдуз бўлиб, бизга энг яқин юлдуз ҳисобланади (масофаси 1,3 парсек ёки 4,3 ёруғлик йилига тенг). 1916 й. да Центаврнинг йўлдоши кашф этилиб, бош юлдуздан 0,04 ёруғлик йили масофада эканлиги аниқланган. Бу энг яқин (Проксима) юлдуздир.