ЛАНГУСТЛАР (Palinura) — ўноёкли қисқичбақасимонлар туркумининг бир уруғи. Уз. 60 см га яқин, Мўйлов (антенна)лари узун, юриш оёклари, одатда, қисқичсиз. Танаси ва антенналари тиканлар билан қопланган. Қорни узун, қориноёқлари калта, кучсиз. 100 га яқин тури тропик ва субтропик денгизларда, фақат оддий Лангустлар (Palinura elephas) Европа денгизларида тарқалган. Антеннасининг 1-бўғинини кўкрак қалқонига ишқаб баланд товуш чиқаради. Лангустлар товуши балиқларни чўчитиб, уларни ўлжани ташлаб қочишга мажбур қилади. Бу ўлжа Л. га қолади. Лангустлар билан осьминоглар озиқланади. Лангустлар овланади.