ЛАНДШТЕЙНЕР (Ландштайнер; Landsteiner) Карл (1868.14.6, Вена яқинидаги Баден — 1943.26.6, НьюЙорк) — австриялик иммунолог, иммуногематология асосчиларидан. Вена (1911 й. дан) ва Рокфеллер (Нью-Йорк, 1922 й. дан) ун-тлари проф. 1922 й. дан АҚШда. Одамнинг қон группаларинм (1900, Я. Янек билан бирга) ва резус-факторни (1940, А. Винер билан ҳамкорликда) кашф этган, П Левин билан одам қони эритроцитларидаги 2 антигенни аниклаган. Заҳм диагностикасини, 1909 й. да Э. Поппер билан хамкорликда полиомиелит инфекцион касаллик эканлигини тадқиқ қилган. Унинг комплекс антигенлар борасидаги илмий изланишлари иммунология фани ривожига салмокли ҳисса қўшди. Нобель мукофоти лауреати (1930).