ФУРФУРОЛ (лот. furfur — кепак, қипиқ ва oleum — мой) , С5Н4О2 — янги ёпилган жавдари нон хиди келадиган гетероциклик альдегид; сарғиш мойсимон суюклик. Суюкланиш траси — 36,5°, қайнаш траси 161,7°, зичлиги 1159 кг/м3; сувда оз, спирт ва эфирда яхши эрийди. Фурфуролнинг кимёвий хоссалари бензоат альдегидникига ўхшайди. Ўсимлик материаллари (мас, маккажўхори ўзаги, шоли қипиғи)ни гидролизлаб олинади. Фурфурол фурфурил спирт, тетрагидрофурфурил спирт, тетрагидрофуран, фуран смолалари, дивинил, саноат елимлари олишда ишлатилади. Фурфуролнинг баъзи ҳосилалари тиббиётда фурациллин сифатида қўлланади.