ФРАНЦИЯ ИНСТИТУТИ — Франциянинг асосий расмий илмий муассасаси. 1795 й. ташкил этилган (1806 й. гача Фан ва санъат миллий ин-ти деб номланган). Франция академияси, Ёзув ва нафис оғзаки ижод академияси (1663; қад. ва шарқ тиллари, ўрта аср лаҳжаси, тарих бўйича тадқиқотлар олиб боради), Табиий Фанлар академияси (1666; 130 ҳақиқий, 160 мухбир, 80 хорижий аъзо), Санъат академияси (1803; 50 ҳақиқий, 50 мухбир, 15 хорижий аъзо), Ахлоқий ва сиёсий фанлар академияси (1832; 50 ҳақиқий, 60 мухбир, 12 хорижий аъзо)ни бирлаштиради.