ФЕДЧЕНКО Алексей Павлович (1844.7.2, Иркутск — 1873.3.9.) — рус табиатшуноси, Ўрта Осиёни тадқиқ қилган олим. Москва ун-тини тугатган (1864). Зоол. га оид тўпламлар ва гербарийлар тўплаган. Антропология ва этн. б-н шуғулланган. 1868—71 й. ларда Олай водийсига саёҳат қилган. Олай орти тизмасини ўрганган. ҲисорОлай тоғ системасининг 1орографик схемасини тузган. Ришта касаллиги қўзғатувчисининг биологиясини аниклаган. Альп тоғларидаги Монблан чўққисига чиқишда ҳалок бўлган. Федченконинг тўплаган материаллари географ олимлар томонидан қайта ишланиб, «А. П. Федченконинг Туркистонга саёҳати» номли рус тилидаги китобида нашр қилинган (1872—77 ва 1950-й. лар). Помир тоғидаги музлик Ф. номи билан аталган.