ФАЙЗИЕВ Бобомурод (1960.23.11, Еттисой тумани) — самбочи, хизмат кўрсатган спортчи (1988). 52 кг вазн тоифасида Ўзбекистон чемпиони (1978, 1981), жаҳон кубоги ғолиби (1982, Бильбао), 3 карра жаҳон чемпиони (1982, Овьядо; 1986, По; 1987, Милан). Тошкент ун-тининг юридик ф-тини (1985), Ўзбекистон жисмоний тарбия интини (1991) тугатган. Самбо бўйича Ўзбекистон терма жамоаси бош мураббийи (1988—1998). 1998 й. дан Ўзбекистон Республикаси Ички ишлар вазирлигида бошқарма бошлиғи.