ФАРҒОНА НЕФТНИ ҚАЙТА ИШЛАШ ЗАВОДИ — нефтни қайта ишлаш саноати корхонаси. Фарғона нефтни қайта ишлаш заводи бош корхона, унинг таркибига Олтиариқ нефтни қайта ишлаш з-ди, Поп ва Ангрен нефть базалари киради. «Ўзнефтмаҳсулот» акциядорлик компаниясининг шўъба корхонаси (2003). Юқори октанли бензин, шу жумладан, авиатехник керосин, дизель ёнилғиси, кокос, турли хил мотор ва дизель мойлари (компрессор, турбина, урчуқ), парафин, мотор мойларига кўшимчалар, битум, мазут каби 56 дан зиёд турли нефть маҳсулотлари ишлаб чикаради. 3днинг 1навбати 1959 й. 27 янв. да ишга туширилиб, Ўрта Осиёда биринчи марта сурков мойлари ишлаб чиқарила бошлади. 1965 й. дан з-д қувватлари тўлиқ ишга туширилди. 1966 й. дан з-днинг 2навбати қурила бошлади. 1970 й. дан з-дда К—12 маркали ва октан сони ундан юқори бўлган бензин ишлаб чикарила бошлади. 90-й. лар бошидан тўлиқ Ўзбекистонда қазиб олинган нефтни қайта ишлашга ўтди. 1992—2004 й. ларда «Ўзнефтгаз» холдинг компанияси таркибида фаолият кўрсатди. Корхонанинг Ўзбекистон Республикасининг нефть мустақиллигини таъминлашда хизматлари катта. 2000 й. да з-д тўлиқ таъмирланди, и. ч. бўйича 44 технологик қурилмага эга. Бир йилда 8,5 млн. т. нефтни қайта ишлаш қувватига эга. 1996— 99 й. ларда Япониянинг «Мицуи» фирмаси билан хамкорликда дизель ёқилғисидан олтингугуртни ажратиб олиш қурилмаси қурилиб ишга туширилди. Зд иштирокида юқори сифатли мотор мойлари ишлаб чиқарадиган «ЎзТексако» ва мотор мойларига қўшимчалар ишлаб чиқарадиган «Фармой» Ўзбекистон — Америка қўшма корхоналари ташкил этилди. Янги маҳсулот турларини и. ч. ни ўзлаштириш дастурига мувофиқ янги технологиялар узлаштирилмокда.