ФАКТОРИНГ (инг. factor — агент, воситачи) — кичик ва ўрта фирма (мижоз)ларга тижорат банклари ва уларнинг шўъба факторфирмалари томонидан кўрсатиладиган молиявий хизматлар тури. 16—17-а. ларда савдо воситачилари томонидан амалиётга киритилган, кейинчалик мижозга айланма капитал учун кредит беришнинг бир турига айланди. Факторингда факторфирма мижоз (товар етказиб берувчи)лардан кдрздорларнинг қисқа муддатли карзларини ундириш ҳуқуқини сотиб олади ва фирмаларнинг қарзларини (мажбуриятларини) мижозга тўлайди, яъни қарзни қайтариш муддатидан олдин унинг 70—90%ни мижозга қайтаради, қарзнинг қолган қисми, фоизлар чегирилган ҳолда қарздорлар факторфирма олдидаги ўз қарзини батамом узганидан кейин қайтарилади. Факторингда мижоз ўзининг қарздорларидан қарзни ундириш ҳуқуқини факторфирмага ўтказади.
Айниқса, Ғарб давлатларининг иқтисодий амалиётида кенг қўлланилади. Факторинг бўйича кредитлар муддати 90—120 кун атрофида, кредит фоизлари расмий банк ставкасидан юқори туради.