XOBART — Avstraliyadagi shahar, Tasmaniya o. da, Deruent daryosi boʻyida joylashgan. Tasmaniya shtatining maʼmuriy markazi. Aholisi 194,2 ming kishi (1999). Storm qoʻltigʻi sohilidagi port. Transport yoʻllari chorrahasi. Rangli metallurgiya, avtomobilsozlik va kemasozlik, sement, toʻqimachilik, oziq-ovqat sanoati korxonalari mavjud. Botanika bogʻi, kartinalar galereyasi, universitet bor. Shaharga 1804-y. da asos solingan.