VOTKINSK — RFning Udmurtiya Respublikasidagi shahar (1935-y. dan) Votka va Sharkan daryolari sohilida (Kama havzasi). T. y. stansiyasi. Aholisi 104,7 ming kishi (1999). Votkinsk qad. metallsozlik z-dlari yonidagi qishloq oʻrnida vujudga kelgan (1759). Votkinsk rus kompozitori P. I. Chaykovskiyning vatani. Votkinskda mashinasozlik, yogʻochsozlik, oziq-ovqat sanoati korxonalari, P. I. Chaykovskiy uymuzeyi bor. V. dan 30 km uzoqlikda, Kama daryosida Votkinsk GES qurilgan.