VISLA-ODER OPERATSIYASI — 2-jahon urushi davridagi harbiy operatsiya (1945.12.1—3.2). 1-Belorussiya va 1-Ukraina frontlari (Sovet Ittifoqi Marshallari G. K. Jukov va I. S. Konev) Visla daryosi boʻyida nemis qoʻshinlarining «A», shuningdek 26 yanv. da esa «Markaz» (gen.-polkovnik I. Garpe, 17 yanv. dan — gen.-polkovnik F. Shyorner) armiyalari mudofaasini yorib oʻtib Varshavani ozod qilganlar (17 yanv.), Breslau va Poznanda dushmanning yirik qoʻshinlar guruhini qurshovga olganlar. Polshaning gʻarbiy qismini ozod qilganlar, Oder daryosini kechib Germaniya hududiga kirganlar va Berlinga hujum qilish uchun qulay mavqeni, egallaganlar.