VALENSIYA — Ispaniya sharqilagi shahar. Valensiya tarixiy viloyati va provinsiyasining maʼmuriy markazi. Aholisi 753 mingdan ziyod kishi (1990-y. lar oʻrtalari). Turiya daryosining Oʻrta dengizga quyilish joyidagi port. Xalqaro aeroport bor. T. y. tuguni. Sanoati asosan k,, x. mahsulotlarini qayta ishlash va chetga chiqarish bilan bogʻlangan. Mashinasozlik, kemasozlik, toʻqimachilik, yogʻochsozlik, kimyo sanoati korxonalari bor. Hunarmandchilik rivojlangan. Valensiyada arab va ispanlarning oʻrta asr meʼmoriy yodgorliklari saklangan: sobor (13—14-a. lar), Aguas saroyi (barokko uslubida. 18-a.) va b. Shaharda sanʼat, keramika muzeylari, botanika bogʻi va un-t (16-a.) bor. Valensiyaga mil. av. 2-a. da asos solingan.