TRUSKAVES — Ukrainaning Lvov viloyatidagi shahar (1948-y. dan). Mashhur balneologik kurort. Lvovdan 100 km jan. gʻarbda, Drogobichdan janubrokda. Karpat toglari etagida, 400 m balandlikda. Vorotishche togʻ daryosining vodiysida joylashgan. Truskaves stansiyasi. Lvov — Ujgorod t. y. tarmogʻining oxirgi punkti. Aholisi 33,6 ming kishi (1990-y. lar oʻrtalari).
Truskaves dagi dastlabki balneologik shifoxona 1827-y. da sulfidli mineral suv bulogʻi oʻrnida ochilgan. Kurortda buyrak, siydik yoʻli, oshqozon, jigar va oʻt yoʻllari, yuraktomir kasalliklari va b. davolanadi. Truskaves hududida 10 dan ziyod sanatoriy faoliyat koʻrsatadi. Mineral suvlardan, ayniqsa, «Naftusya» mineral suvi mashhur. Turizm rivojlangan.