TAVANXONA — toʻy va ziyofatlarda mehmonlarga patnis tuzaladigan, sovgʻasalomlar, toʻyonalar, tavanlar qabul qilib olinadigan maxsus xona. T. Xorazmda qasnoqxona, Jan. Oʻzbekistonning ayrim tumanlarida esa, sharvatxona ham deyiladi. Tavanlarni qabul qilish, mehmonlarga patnis tuzash uchun Tavanxonaga boshliq qilib qoʻyilgan ayol — «tavanboshi», «tavanchi» deb atalgan.