SHARHLOVCHI — biror narsani, voqea-hodisani tushuntirib beruvchi; izoh beruvchi, sharhchi, gazeta, jurnal, radio, televideniye va internet saytlarida muayyan voqealar (ijtimoiy, siyosiy, harbiy, iqtisodiy, madaniy, sport va boshqalar)ga bagʻishlangan sharhlar muallifi. Sharhlovchi vazifasini biror bir ixtisoslikka ixtisoslangan jurnalist bajaradi. Ayni paytda maʼlum soha egalari, mutaxassislar ham Sharhlovchi sifatida faoliyat koʻrsatishi, sohasiga doir voqea-hodisalarni sharhlashi mumkin.