SASKACHEVAN — Kanadaning markaziy qismidagi provinsiya. Mayd. 651 ming km2. Ahrlisi 1,01 mln. kishi (2002). Maʼmuriy markazi — Rijayna sh. S. hududining aksari qismi Lavrentiy qirlarida, jan. esa Buyuk tekisliklarda joylashgan. Eng katta daryosi — Saskachevan. Shim. sharqi igna bargli oʻrmonlar, jan. gʻarbi oʻrmondasht va dashtdan iborat. Mamlakatdagi q. x. ga yaroqli yerlarning 1/3 qismi Saskachevan da. Kx. da eksport uchun bugʻdoy yetishtiriladi. Chorvachilikda qoramol, choʻchqa boqiladi; parrandachilik rivojlangan. Kaliy tuzlari, neft, geliy, mis, uran rudalari qazib olinadi. Ozik,ovqat, kimyo, neftni qayta ishlash, kora metallurgiya, q. x. mashinasozligi, yogʻochsozlik, sellyulozaqogʻoz sanoati korxonalari bor. S. orkali TransKanada t. y. va avtomobil yoʻllari, neft va gaz quvurlari oʻtgan.