SAYOZLIK

SAYOZLIK — suv havzalari (okean, dengiz, koʻllar) tubining atrofiga nisbatan chuqurligi kamroq boʻlgan qismlari. Dengizlarda transgressiya natijasida yuzaga kelgan S quruklikning suv ostidagi davomi. Okeanlarda ular marjon poliplari yoki vulkanik kelib chiqishga ega. Sayozlik larda qumli oqiziq jinslar oqim taʼsirida oʻz shakli va oʻrnini oʻzgartirib turadi. Quyosh nurlari suv ostigacha yetib borganligidan Sayozlikda organik hayot rivojlanishi uchun sharoit qulay: baliq va suv oʻsimliklariga boy, biroq kema qatnovi murakkabroq boʻladi.