KOFEIN (Coffeinum) — alkaloid; choy bargi, kofe urugʻi va kola yongʻogʻidan, shuningdek, sintetik yoʻl bilan olinadi. Markaziy nerv va yurak-tomir sistemalariga qoʻzgʻatuvchi taʼsir koʻrsatadi, shuning uchun ham shu sistemalar faoliyati susayganda, narkotik va uxlatuvchi moddalardan zaharlanganda, miya qon tomirlari torayganda quvvatni oshiruvchi dori sifatida qoʻllanadi.