KISHVARIY (16-a.) — ozarbayjon shoiri. Tabrizdagi Sulton Yoqub saroyiga yaqin boʻlgan. Alisher Navoiy gʻazallariga naziralar yozgan, sheʼrlar bagʻishlagan. Kishvariy sheʼriyati mavzularining dunyoviyligi, tilining soddaligi, tasviriy vositalarga boyligi bilan ajralib turadi; ozarbayjon adabiyoti taraqqiyotiga taʼsir koʻrsatgan. Kishvariy devoni qoʻlyozmasi saqlangan.