KERN (nem. kern) — kolonkali burgʻu kovaklari (quduqlari)dan olinadigan silindr shaklidagi yaxlit togʻ jinsi namunasi. Kern yordamida togʻ jinsining tarkibi, fizik va kimyoviy xossalari, yotish burchaklari aniqlanadi. Kovlangan bir necha burgʻu kovaklarining geologik kesimi Kernni oʻrganish natijalari bilan taqqoslanadi. Maʼlum boʻlmagan yer osti geologik jinslarini oʻrganishda Kernning ahamiyati katta.