KARL V (1500.24.2, Gent – 1558.21.9, Ispaniyadagi avliyo Yust monastiri) — «Muqaddas Rim imperiyasi» imperatori (1519—56), Ispaniya qiroli (Karlos I) (1516—56). Niderlandiya shahzodasi (1516-55), Sitsiliya qiroli (Karl IV) (1516—56). Gabsburglar sulolasidan. Katolitsizm bayrogʻi ostida reaksion reja — «Jahon xristian davlati»ni tuzishga harakat qilgan. Fransiya (Italiya urushlari, 1494—1559) va Usmonli turk saltanati bilan urushlar olib borgan. Nemis protestant — knyazlari bilan boʻlgan kurashda magʻlubiyatga uchragan va ular bilan Augsburg diniy sulhi imzolangach (1555), taxtdan voz kechgan.