KAYQUBOD, Kavi Kavata Eron mifologiyasida va afsonaviy tarixida kayoniylar sulolasi asoschisi. «Shohnoma»ga koʻra, Garshasp vafotidan soʻng podshoh taxti boʻsh qolgan. Zol va Rustam Kayqubodni chaqirtiradilar, Rustam Kayqubodni Alburz togʻi yon bagridan topadi. Kayqubod shoxligi davrida Afrosiyob boshchiligidagi Turon qoʻshini tor-mor qilinib, Eron bilan Turon oʻrtasidagi chegara Jayxun (Amudaryo) boʻylab belgilangan, mamlakatda bir oz muddatga tinchlik, osoyishtalik qaror topgan, deb naql qilinadi.