ISHLAB CHIQARISH AMALIYOTI — oʻquv mashgʻulotlari turi. Unda oʻquvchi (talaba)lar korxona, tibbiy, pedagogik, i. t. va boshqa muassasalarda oʻquv dasturlarida belgilangan i. ch. vazifalarini mustaqil ravishda bajaradilar. Ishlab chiqarish amaliyoti talaba yoki oʻquvchilar nazariy bilimlarini amaliy yoki unumli mehnat bilan boglab, ularda koʻnikma va malakalar hosil qiladi. Ishlab chiqarish amaliyoti muddati muayyan oʻquv yurtining tasdiqlangan oʻquv rejasida belgilanadi.